東坪洲前瞻(一)地圖

出發前當然要做足準備功課啦！ 第一課：地圖！

9:00開船，預計10:40到達王爺角碼頭！ 慢慢行，影下相，11:10到亞媽灣，11:30到更樓石，希望12:00潮退時過"難過水"，13:00到洲頭附近大休，找士多食野，14:00過龍落水，14:30斬頸洲，15:00貓公洞，15:30長沙灣大休，16:00左右回到碼頭附近下午茶！之後影日落，等17:15的船。

2007-10-27長發大酒樓

上星期六，同媽媽慶祝生日，以及預祝晴晴生日，去左長發大酒樓食飯

乳豬拼盤：少，凍

海蝦：ok呀！幾爽！

沙薑雞：滑      

菜心：少                    

羊腩：好林呀！

京都骨 ：唔錯啦！   

糯米飯：唔油！夠乾身，好好味！

我隻大閘蟹呀！

佢地個個都唔食腳，比哂我！

搞到我唔得閒食大青斑！ 好滑呀！

鮑魚仔呀！都幾大隻呢！                     

當然唔少得壽包啦！

老豆與細B                

家姐與細B                       

飲杯！                                                   

怪怪的~                     

埋單千二蚊左右，都幾抵食呢！

麵藏~一般啦

上星期去左尖沙咀做野，見完客後，去左星光行地庫的麵藏食lunch，叫左個豬扒便當，$38，老實講，質素真係好普通，豬扒凍的，壽司細件，魚生超薄，不過三十幾蚊係尖沙咀食日本野，大家都唔好要度甘多了！

城市中的清空

生活係城市中，對眼睇電腦的時間最多，偶爾往外一望，可以令人心擴神怡呢！

轉貼.......【打工仔】原曲【富士山下】附MP3

原曲:【富士山下】

歌手：陳奕迅 | 作曲：Christopher Chak
原詞：林夕 | 編曲：陳珀 / C. Y. Kong


【打工仔】http://bigheadb.9and1.org/job.mp3


人為兩斗米折腰  搵得雞碎咁少
通宵工作幾晚挨到眼超超
窮又有乜野緊要  搵到幾多都笑
返早收晏打工仔都算代表
人大個骨氣變少  腰骨攣過隻蕉
波士屈你省你完全唔重要
挨鬧最緊要識笑  
波士識得關照  省多幾句心upup都繼續笑

唔想呢生搭巴士  你想要扶搖直上寫意
要識擦識飲酒識馬經政治
胡言亂語合時宜  陪住上司係無時
祈求能老細會介紹單生意
麻甩佬傾哩傾路  飲到面紅係最標緻
老虎蟹攞返張單佢簽隻字
唔係十五二十時  時常扮貓定扮無知
你話傾生意  似PR我邊止
我就冧都似

年又過衫褲冇穿  港股經已跌穿
公司經濟好似就快瞓醫院
無奈凍薪已經算  炒魷佢邊手軟
小心比隻金手指篤到命短
人做到黑晒眼圈  辛苦慘過砌磚  
朝不保晚都要做求其就算
捱為老少既家眷  依家任波士吋
飲多幾罐啤酒慳返氣仲暖

唔想呢生搭巴士  你想要扶搖直上寫意
要識擦識飲酒識馬經政治
胡言亂語合時宜  陪住上司係無時
祈求能老細會介紹單生意
麻甩佬傾哩傾路  飲到面紅係最標緻
老虎蟹攞返張單佢簽隻字
唔係十五二十時  時常扮貓定扮無知
你話傾生意  似PR我邊止
我就冧都似

最難明生意
老板計成年OT
佢話咪旨意

小心．小心！別因小失大！

做呢個行業，客人可以話係千奇百怪！而且好多仲係蠱蠱惑惑，文件唔岩，有問題，做左手腳等等，真係要非常小心、小心再小心！因為如果一時貪快，為左幾廿蚊佣金，到頭來可能一個仙都冇，甚至連份工都冇埋！

今日我都遇到一個奇怪的客，基於有懷疑、有風險的大原則下，我選擇左唔做佢生意，因為如果我做左，可以引發出好大的影響~

一句講哂，要觀人於微，小心人地出蠱惑，別貪一時之快，而因少失大！

綠幽靈的魔力

近日的事業真係位處谷底，好幾日都未有生意，今朝，取出了好耐冇戴的綠幽靈出來，真係甘岩得甘橋！早幾個星期煲落的客人，終於有回音了！ 最奇怪的係，唔止一個，係同一日有C、U、S三間公司！

今日仲已經係U公司內簽了第一張單，聽日繼續FOLLOW U、C、S三間公司，我會繼續努力，向41大踏步！

是你嗎綠幽靈﹖是你幫助了我嗎﹖定係我之前的努力有成果﹖還是只係同一日的巧合﹖

過到10月嗎﹖

10月，名義上叫做係新工的第3個月，意味著試用期滿，壓力隨之而大大增加！

首先，其實8、9月都係training為主，加上係熟習公司的大量行政、文件上的流程，真真正正去見客的時間其實不多！9月假期多，加上training近2星期，其實真係唔太多時間去見客。

好了，來到10月了，叫做開始熟習了，但就已經要會對41的quota，因緣制遇，如果好彩的，hotline聽到大客，可以幾日已經夠quote，一個唔好彩，我聽到的hotline係格價，問電話number等等......

即使有prospect，但係未必係即食麻！好多係要send資料，佢睇，睇完又比上司睇，上司睇完才考慮，考慮完後先可能有機會約appointment，見面後仲要鬥價錢、服務，客人又要再比較，仲要夾到期日，合約完未，有時可以仲要trial，玩你幾星期才決定，你話啦，有幾多係即時activate呀﹖

做到既，你估我唔做咩﹖我都想賺多個錢麻！大人呀大人，你三幾日問我一次幾多飛，我點答你好呢﹖prospect幾多﹖答得多，做唔到=死，答得少，又係死！點呢﹖一到星期四，我又精神緊張了....

今個10月，都唔知道可唔可以過到試用期，有好多係播緊種子，未必甘快有收成，公司的無形壓力令我成日都訓唔好，又頭痛，加上又要考2科試，其中一科仲要係management accounting，真係冇咩心機溫書

各位如果有人想轉台，請立即call我啦！未夠數呀！多謝各方好友的幫忙！

禮貌．人格

公司內有部份行政人員真係好無禮貌！粗聲粗氣！我係新仔，又未做過呢行，番得個幾月，有d行政野未熟習都正常掛，我做錯/做少左野，你可以講我知，使唔使下下都狂濆我呀！我番工係做野，唔係比你們濆的！濆都唔應該你地濆啦，大家最多叫做平輩，極其量叫做合作，使唔使下下都做到甘串先﹖我比上司、阿頭鬧的話，我心甘命抵，我會視做學野，我有時唔係嬲，係有d不解，我做錯左，你咪話我知啦，唔使"小"我掛，將心比已啦，你地班友新番工，唔係咩都識掛！

唔想幫我做，咪唔鬼幫我做囉，唔使媽媽聲掛....我係幫公司做野，唔係幫你做野，抖公司幾千蚊人千，係唔包括比你班人鬧！要人尊重你，首先要你尊重人！你小人時，人地都會小你！

成個部門，我唸只有2個係有禮貌，其他的就勁串！我想講你地知，我地係合作，我唔係under你！反而同部門的同事、上司都好有禮貌，值得一讚！

一個人的晚餐~

番學的時候，我多數係大滿貫食，味道ok，份量亦可以，不過始終一個人食，有點點的乏味~